يوم ورا يوم حبيبي ماجاني نوم سميرة سعيد سميرة سعيد غنتها باسلوب فرايحي، بس بالنسبة لي وايد الموضوع غير، كل يوم ، يوم ورا يوم، مو قاعد ايني نوم، ولا قادر اروح 🙁 اكثر شي سمعته بالفترة الي طافت هو بان الوقت راح يساعد او يخفف وقع المصيبة، او الايام راح تصير اسهل، كل ما ابتعدنا عن ذاك اليوم، كل ما تقدر تتعايش معاه. هالشي مو قاعد يصير، كل يوم اثقل من الي قبله، كل يوم اشتاق اكثر، احبها اكثر. يومي قام يصير جزئ من الحزن الي اعيش فيه، تييني دقايق اتنفس فيها عادي بعدين يرد الفراغ يملي كل اجزاء اليوم. الفراغ الي تركته يملي مجرة وانا مجرد انسان. مادري ليش كل اصوري حقچ بالمكتب ايو 🙁 تذكرين سالفة "شنطة اللابتوب" هههههه ليلحين عندي ياها ترا. اي و خذيت ايپادچ قاعد استعمله آية تعنيلي وايد، ما كانت مجرد اخت بالنسبة لي، مابي اقول انها صديقة و هالسوالف، كانت كبيرة على الرغم من صغرها، تعرف تتصرف و تدري شنو تبي، و كانت شايلة معاي وايد هموم اولردي انا شاقلها على ظهري، يمكن شيّلتچ اكثر من الي كنتي تقدرين تتحملينه. والله اسف:(. يالربع - والله ماجاني النوم بسبب ذولا الله لا يوفقهن - تنحت في مكاني 🆘️❕🆘 - الصفحة 5 - هوامير البورصة السعودية. مافي احد اقدر اكلمه بالسهولة الي كنت اكلمها فيها، كانت ساعات تفهمني قبل لا اقول حتى، والله كان يصير صج، مو كليشيه، صج كنا نعرف بعض.