ضحكت صاحبتهم الثالثه تقول: عادي مُمكن اليوم تتكرموا.. حلا: والله ما أقوم لو كرموني.. تغريد: هههههههههه على أساس واثقه إنهم بيكرمونك.. لا نشاطات ولا ملف عمل ولا مشاركه.. حلا: ياللا أحسن.. المُعلمه: بس إنتم ياللي ورى.. سكتوا ولما لفت عنهم قالت ريماس: بنات في أي متوسطه بتدخلون.. ؟! شبكة روايتي الثقافية - شظايا شيطانيه / للكاتبة صْرٍخِہَ’ إآلمُشِتآقہ ¸¸« "مميزة" مكتملة. تغريد: أهلي محتارين بين إثنين كلها قريبه منا.. حلا: أنا بأروح متوسط *******.. ريماس: نفسها.. نفسها اللي أهلي يبوا يحطوني فيها.. تغريد: لا وش ذا.. ؟! ماهي قريبه مني.. حلا: كلمي أهلك.. تغريد: ما راح أقدر أقنعهم.. ميلت حلا شفتها تقول: لا تقنعيهم.. إفرضي عليهم الموضوع.. وحده من البنات لفت على حلا تقول بدهشه: قومي قومي كرموك.. رفعت حلا حاجبها تقول: وشو.. ؟!
ضغط حُسام على أسنانه.. يكرهه.. يكره يسمع صوته بعد.. يكره يناديه بأسمه.. يكره كل شيء فيه.. حسام: بأقولك كلمتين وبأروح.. ما أبي أبد أطّول معك.. طالع ماجد فيه بهدوء فكمل حُسام: طلقت أختي والطلاق بمعنى إنك خلاص ما صرت مسؤول عنها.. بس ترى فيه شيء إسمه بنت إنت مهما طلقت أمها فلا تزال مسؤول عنها.. بنتك مايا.. كم سنه مرت ولا حتى سألت عنها ودفعت لها نفقتها.. ؟! عايش مرتاح مع أهلك وزوجتك الجديده وناسي تماماً موضوع بنتك اللي محتاجه لوجودك.. سكت شوي بعدها كمل بإستهزاء: على العموم ما إحتاجت لك.. خالها أمّن لها اللي ما قدر أبوها يأمنه لها.. والحمد لله عايشه وما تزال عايشه في أحسن حال.. إبتسم ماجد وهو يقول: الحمد لله.. طالع حُسام فيه بدهشه بعدها صك على أسنانه يقول بحده: إنت تستهبل ولا إيش.. ؟! سكت لما حس بالطلاب يطالعون فيهم.. هدأ من نفسه بعدها قال: جاي لشيء واحد بس.. ولولا إن القوانين أجبرتني كان ما جيت لك من البدايه.. ماجد: إيش فيه.. ؟! صك حسام على أسنانه من القهر.. ما يحب يسمع صوته أبد.. حسام: مايا تعبانه وتحتاج لعمليه.. ومحد له الحق بالموافقه على العمليه غير أبوها.. تعال بس وقع على الموافقه وإختفي من جديد.. أنا بأتكفل بكل شيء.. فتح ماجد عيونه من الصدمه وقال: مايا بإيش تعبانه.. عمليه على وشو وهي لسى طفله.. ؟!
حسام: مالك شغل.. إكتب موافقتك وبس.. تقدم ماجد منه وقال: طيب هي في أي مستشفى.. ؟! في أي غرفه.. ؟! حسام بحده: لا تفكر تزورها.. تاركها سنوات من دون سبب واللحين تبغى تشوفها..!! تنهد ماجد وظل ساكت لفتره بعدها قال بهدوء: طيب إيش إسم القسم حتى أروح أوقع لما أفضى.. طلع حُسام ورقه من جيبه وقدمها لماجد وهو يقول: هنا.. وكمل بسخريه: ولا فضيت تعال ماشي.. البنت ما راح تزداد حالتها خطوره من تأخيرك.. بعدها لف وراح لسيارة خاله.. ركبها وإتجه للمستشفى.. من زمان ما شاف مايا.. وحشته كثير ويتمنى إنها ما جلست تبكي من تأخيره.. كلها دقايق حتى وصل.. نزل من السياره ودخل للمستشفى.. طلع للدور اللي هي فيه وإتجه لغرفتها.. وقف شوي قدام الباب بعدها فتحه ودخل.. فتح عيونه بخوف وهو يشوفها مع ممرضه عند المغسله.. جاء بسرعه يقول: إيش فيه.. ؟! لما شافته الممرضه طلعت وهي تقول: هدا بس يستفرغ.. روح نضف.. وخرجت.. طالع حسام في الممرضه.. إيش التعامل الزفت هذا.. ؟! لف على بنت أخته اللي واقفه على كرسي فشاف وجهها أحمر وبالقوه تستفرغ بالمغسله.. بدأ يمسح على ظهرها وهو يقول: تحملي حبيبتي.. بس وش سبب هالإستفراغ.. ؟! أكلتي شيء مو طيب.. ؟!